ՕԵԿ-ը այսօր էլ էր ՄԵԾ ՄԵԾ խոսքեր շռայլում

դիտարկումներ քաղաքական անցուդարձից՝ առ 10.04.2012թ

(ԸՆՏՐՈՂԻ ՕՐԱԳԻՐ շարքից)

ՕԵԿ-ը այսօր էլ էր ՄԵԾ ՄԵԾ խոսքեր շռայլում

 Մեջբերեմ ՕԵԿ մեծն նախագահի խոսքերից մի հատված. «մենք հասանք նրան, որ բոլոր հայրենական պատերազմի մասնակից վետերանների ավանդները վերադարձրեցինք, բոլորինը անխտիր » մեջբերման ավարտը:

 Հարգելիս, եթե մի քանի տարի հետո սկսեիք այդ խավի  (որի նկատմամբ ես գլուխ եմ խոնարհում) ներկայացուցիչների ավանդների վերադարձի գործընթացը, ապա կարող էիք ընդամենը մեկ օրում ավարտել (ցավոք մեր մեծերը, ըստ բնության օրենքի հեռանում են մեզանից): Դուք ավելի ազնիվ կլինեիք եթե թիվ հրապարակեիք, այսքան վետերանի վերադարձվել է այսքան գումար, թե՞ այդ ժամանակ մարդիկ կհասկանային որ փորձում եք ձուն ձի ներկայացնել: Ես ամեն օր Ձեզ տեսնելիս, կամ Ձեր կուսակցության մասին լսելիս հիշում եմ Ձեր հնչեցրած թիվը (170000 ՕԵԿ-ականների մասին) և հազիվ եմ զսպում ծիծաղս: 

 Բայց դե ինչ արած, փրփուրներց եք կախվում և դա երևի Ձեզանից բացի բոլորին հասկանալի է ...